"மொத்தமாக தூக்க போறேன்" - போலீஸ் அதிகாரிகள் மீது பாய்ந்த விஜய்!

தமிழக அரசியல் களத்தில் சமீபத்தில் அரங்கேறிய உதயநிதி ஸ்டாலின் கைது மற்றும் விடுதலை சம்பவம், ஆளுங்கட்சி வட்டாரங்கள் மற்றும் அரசு நிர்வாக இயந்திரத்தில் பெரும் அதிர்வலைகளை ஏற்படுத்தியுள்ளது. இந்த விவகாரத்தைத் தொடர்ந்து, மாநில நிர்வாகத்தின் உயர்மட்டத்தில் இருந்து வெளியாகியுள்ள தகவல்கள், தலைமைச் செயலகம் மற்றும் காவல் துறை வட்டாரங்களில் கிலியை ஏற்படுத்தி உள்ளன. உளவுத் தகவல்: அதிர்ச்சியில் சென்னை போலிஸ்! உதயநிதி ஸ்டாலின் கைது விவகாரம் குறித்த அதிகாரப்பூர்வ அறிவிப்புகளோ அல்லது விரிவான தகவல்களோ சென்னை காவல் துறையின் உயர்மட்ட போலிஸ் வட்டாரங்களைச் சென்றடைவதற்கு முன்பாகவே, திமுக முகாமிற்கு அந்தச் செய்தி மிகவும் துல்லியமாகச் சென்று சேர்ந்துவிட்டதாகக் கூறப்படுகிறது.

சென்னையில் உள்ள முக்கிய போலீஸ் அதிகாரிகளுக்கே தகவல் தாமதமாகத் தெரிந்த நிலையில், அறிவாலய வட்டாரங்களுக்கும் எதிர்க்கட்சித் தலைமைக்கும் இந்த நடவடிக்கை குறித்த உளவுத் தகவல்கள் அதிவேகமாகப் பாய்ந்தது எப்படி என்ற கேள்வி இப்போது ஆட்சி மேலிடத்தை உலுக்கியுள்ளது. போலீஸ் நிர்வாகத்திற்குள் இருக்கும் தகவல் தொடர்பு அமைப்பை விட, எதிர்க்கட்சி வட்டாரங்களுக்குச் செல்லும் தகவல் தொடர்பு நெட்வொர்க் மிகவும் வலுவாகச் செயல்பட்டிருப்பது நிர்வாக ரீதியாகப் பெரிய பாதுகாப்பு குறைபாடாகப் பார்க்கப்படுகிறது.

தயாராகும் கருப்புப் பட்டியல்: திமுக ஆதரவு அதிகாரிகள் யார்? இந்தத் தகவல் கசிவைத் தொடர்ந்து, மாநில நிர்வாகத்தின் தலைமைப் பொறுப்பில் உள்ள உயர் தலைவர்கள் இதைக் கடுமையாக எடுத்துக்கொண்டுள்ளனர். அரசு இயந்திரத்திற்குள் இருந்துக்கொண்டு, கட்சி ரீதியான தகவல்களை அல்லது அரசாங்கத்தின் ரகசிய நடவடிக்கைகளை வெளிப்படையாகக் கசியவிடும் உயர் அதிகாரிகளைக் கண்டறிய உத்தரவிடப்பட்டுள்ளது. இதன் ஒரு பகுதியாக, காவல் துறை மற்றும் பிற முக்கியமான துறைகளில் உயர்பதவிகளில் உள்ள அதிகாரிகளில், திமுக முகாமிற்கு நெருக்கமாகச் செயல்படுபவர்கள் மற்றும் கட்சி சார்புநிலையுடன் நடப்பவர்கள் யார் யார் என்பது குறித்த பிரத்யேகப் பட்டியல் ஒன்றை தயாரிக்கும் பணி முதல்வர் விஜ்ஜயின் உத்தரவின் பெயரில் தீவிரமடைந்துள்ளது.

உளவுத்துறை மற்றும் தலைமைச் செயலகத்தின் நம்பிக்கைக்குரிய மூத்த அதிகாரிகளின் மேற்பார்வையில் இந்த ரகசியப் பட்டியல் தயார் செய்யப்பட்டு வருவதாக நம்பத்தகுந்த வட்டாரங்கள் தெரிவிக்கின்றன. வெற்றி தமிழ்நாடு முதலீட்டாளர்கள் மாநாட்டை தொடங்கி வைத்த முதல்வர் விஜய் காவல் துறையில் மெகா மாற்றம்: முதல்வர் அலுவலகம் திட்டம்!** எதிர்காலத்தில் இதுபோன்ற முக்கியத்துவமிக்க மற்றும் உணர்வுப்பூர்வமான நடவடிக்கைகள் குறித்த தகவல்கள் முன்கூட்டியே கசிவதைத் தடுக்கும் நோக்கில், முதல்வர் விஜய் அலுவலகம் மிக தீவிரமான நடவடிக்கைகளில் இறங்கியுள்ளது. இதன் முதற்கட்டமாக, காவல் துறையின் முக்கியப் பொறுப்புகளில் இருக்கும் உயர் அதிகாரிகளை உடனடியாக இடமாற்றம் செய்யவும், ஒட்டுமொத்த நிர்வாக அமைப்பையும் மறுசீரமைக்கவும் திட்டமிடப்பட்டு வருகிறது.

சென்னை முதல் தென் மாவட்டங்கள் வரை முக்கிய போலீஸ் அதிகாரிகள் மற்றும் மாவட்டக் காவல் கண்காணிப்பாளர் அந்தஸ்தில் உள்ள அதிகாரிகளின் பணியிடங்களில் விரைவில் பெரிய மாற்றங்கள் நிகழக்கூடும் என்று எதிர்பார்க்கப்படுகிறது. இதற்கான லிஸ்டை ஏற்கனவே முதல்வர் விஜய் கேட்டுள்ளதாம். அரசாங்கத்தின் ரகசியங்கள் மற்றும் உளவுத் தகவல்கள் வெளி நபர்களுக்கோ அல்லது எதிர்க்கட்சி வட்டாரங்களுக்கோ கசிவது என்பது நிர்வாகச் சீர்குலைவுக்கு வழிவகுக்கும் என்பதால், இந்த விவகாரத்தில் முதல்வர் அலுவலகம் மிகவும் கண்டிப்பான போக்கைக் கடைப்பிடிக்கத் தொடங்கியுள்ளது. ஒருபுறம் அரசியல் ரீதியாக எதிர்த்தரப்புகளின் விமர்சனங்களை எதிர்கொள்ள வேண்டிய சூழலில், மறுபுறம் அரசு இயந்திரத்திற்குள் இருக்கும் தகவல் கசிவுகளை கட்டுப்படுத்த வேண்டிய கட்டாயம் ஆட்சி மேலிடத்திற்கு ஏற்பட்டுள்ளது. இதனால், வரும் நாட்களில் தமிழகக் காவல் துறையில் ஏற்படப்போகும் இந்த அதிரடி இடமாற்றங்கள், அரசியல் ரீதியாகவும் நிர்வாக ரீதியாகவும் பெரும் தாக்கத்தை ஏற்படுத்தும் என்பதில் சந்தேகமில்லை.