துருக்கியில் சக்திவாய்ந்த நிலநடுக்கம்.

துருக்கியின் வடமேற்கு மாகாணமான பாலிகேசிரில் ஞாயிற்றுக்கிழமை மாலை ஏற்பட்ட 6.1 ரிக்டர் அளவிலான நிலநடுக்கத்தில் ஒருவர் உயிரிழந்தார். 

நிலநடுக்கத்தின் மையப்பகுதியான சிந்திர்கி நகரில் இடிபாடுகளில் இருந்து மீட்கப்பட்ட சிறிது நேரத்திலேயே 81 வயது மூதாட்டி ஒருவர் உயிரிழந்ததாக துருக்கியின் உள்துறை அமைச்சர் தெரிவித்தார்.

நிலநடுக்கத்தின் விளைவாக பதினாறு கட்டிடங்கள் இடிந்து விழுந்தன. 

மேலும் 29 பேர் காயமடைந்தனர் என்று அலி யெர்லிகாயா மேலும் கூறினார்.

உள்ளூர் நேரப்படி சுமார் 19:53 மணிக்கு (16:53 GMT) நிலநடுக்கம் பதிவானதாகவும், இஸ்தான்புல் வரை கூட அது உணரப்பட்டதாகவும் துருக்கியின் பேரிடர் மேலாண்மை நிறுவனம் தெரிவித்துள்ளது. 

பாதிக்கப்பட்ட அனைவரும் விரைவாக குணமடைய வாழ்த்தி ஜனாதிபதி ரெசெப் தையிப் எர்டோகன் ஒரு அறிக்கையை வெளியிட்டதுடன், அனைத்து மீட்பு முயற்சிகளும் உன்னிப்பாகக் கண்காணிக்கப்பட்டு வருவதாகவும் கூறினார்.

இதனிடையே, தேடல் மற்றும் மீட்பு நடவடிக்கைகள் இப்போது முடிவடைந்துள்ளன, மேலும் கடுமையான சேதம் அல்லது உயிரிழப்புகளுக்கான வேறு எந்த அறிகுறிகளும் இல்லை என்று உள்துறை அமைச்சர் கூறினார். 

 துருக்கி மூன்று பெரிய டெக்டோனிக் தகடுகளின் சந்திப்பில் அமைந்துள்ளது, இதன் விளைவாக அடிக்கடி நில அதிர்வு நடவடிக்கைகளை அனுபவிக்கிறது.

2023 பெப்ரவரியில், நாட்டின் தென்கிழக்கு பிராந்தியத்தில் 7.8 ரிக்டர் அளவிலான நிலநடுக்கம் ஏற்பட்டதில் 50,000 க்கும் மேற்பட்டோர் உயிரிழந்தனர்.

அண்டை நாடான சிரியாவில் மேலும் 5,000 பேர் உயிரிழந்தனர்.

அந்த நிலநடுக்கத்திற்குப் பின்னர் இரண்டு ஆண்டுகளுக்கும் மேலாக, இலட்சக்கணக்கான மக்கள் இடம்பெயர்ந்துள்ளனர்.