அட்லீ பிறந்தநாள் கொண்டாட்டம்

ராஜா ராணி' படம் மூலம் இயக்குனராக அறிமுகமானவர் அட்லீ. தனது முதல் படத்திலேயே முத்திரை பதித்து அனைவரது கவனத்தையும் ஈர்த்தவர், அதனைத்தொடர்ந்து விஜய் நடிப்பில் 'தெறி', 'மெர்சல்', 'பிகில்' என தொடர்ந்து 3 வெற்றிப் படங்களை கொடுத்து, முன்னணி இயக்குனராக உயர்ந்தார்.

அடுத்ததாக பாலிவுட் நடிகர் ஷாருக்கான் நடிக்கும் இந்தி படத்தை இயக்கி வருகிறார். இதில் நயன்தாரா கதாநாயகியாக நடிக்கிறார். இந்நிலையில் அட்லீ நேற்று தனது பிறந்தநாளை கொண்டாடினார். அதையடுத்து அவருக்கு ரசிகர்களும் திரைத்துறை பிரபலங்களும் வாழ்த்துக்கள் தெரிவித்து வருகின்றனர். இந்நிலையில் அட்லீ பிறந்தநாள் விழாவில் ஆர்யா மற்றும் சாயிஷா இருவரும் கலந்து கொண்டுள்ளனர். அந்தப் புகைப்படங்கள் இணையத்தில் வைரலாகின.