ஆஸி. கால்பந்து அணியில் அறிமுகமான இலங்கை தமிழர்!

இலங்கை வம்சாவளியைச் சேர்ந்த தமிழ் கால்பந்து வீரர் நிரோஷன் வேலுப்பிள்ளை, 2026 பிபா உலகக் கிண்ண தகுதிச் சுற்று ஆட்டத்தில் அவுஸ்திரேலிய அணிக்காக அறிமுகமாகி ஒரு அற்புதமான சர்வதேச தொடக்கத்தை வெளிப்படுத்தினார்.

வியாழன் (10) இரவு அடிலெய்டில் 3-1 என்ற கோல் கணக்கில் சீனாவை தோற்கடித்த பின்னர், அவுஸ்திரேலிய கால்பந்து அணி, 2026 பிபா உலகக் கிண்ணத்துக்கான வாய்ப்பினை தக்க வைத்தது.

இந்தப் போட்டியில் 23 வயதான மெல்போர்ன் வீரர் நிரோஷன் வேலுப்பிள்ளை, அணிக்காக முக்கியமான கோல் அடித்து, நாட்டின் உலகக் கிண்ண நம்பிக்கையை உயிர்ப்பித்தார்.

2026 பிபா உலகக் கிண்ணத்தை நோக்கி அவுஸ்திரேலியா தனது பயணத்தைத் தொடரும்போது, ​​வேலுப்பிள்ளை நிரோஷனின் செயல்பாடு அணிக்கு அதிக உற்சாகத்தை அளித்துள்ளது.