காசா ஒப்பந்தத்தை வரவேற்ற ஜெர்மனி.

காசாவில் ஹமாஸ் அமைப்பின் ஆயுதக் களைவை நோக்கமாகக் கொண்ட புதிய செயல்திட்டத்தை ஜெர்மன் வெளியுறவு அமைச்சர் ஜோஹான் வாடேஃபுல் வரவேற்றுள்ளார்.

ஹமாஸ் இனி ஒருபோதும் இஸ்ரேலுக்கு அச்சுறுத்தலாக இருக்கக்கூடாது என அவர் தெரிவித்துள்ளார். மேலும், காசாவில் சர்வதேச நிலைப்படுத்தல் படையை நிலைநிறுத்துவதற்கான நடவடிக்கைகளையும் வரவேற்பதாக கூறியுள்ளார்.

இதனிடையே, காசாவிற்கான கூடுதல் எல்லைக் கடப்புகள் தாமதமின்றி திறக்கப்பட வேண்டும் என ஜெர்மனி வலியுறுத்தியுள்ளது.

இந்த ஒப்பந்தத்தை நடைமுறைப்படுத்த தேவையான உதவிகளை ஜெர்மனி வழங்கும் என்றும் அமைச்சர் ஜோஹான் வாடேஃபுல் தெரிவித்துள்ளார்.