சந்திரமுகி-2 படத்தில் அனுஷ்கா நடிப்பது இன்னும் உறுதி செய்யப்படவில்லை

27.09.2021 08:22:32

பி.வாசு இயக்கத்தில் ரஜினி, ஜோதிகா, நயன்தாரா, வடிவேலு என பலர் நடிப்பில் வெளியாகி வெற்றி பெற்ற படம் சந்திரமுகி. இந்த படத்தின் இரண்டாம் பாகத்தை லாரன்ஸை வைத்து பி.வாசு இயக்கப்போவதாக அறிவிக்கப்பட்டுள்ளது. மேலும் தற்போது சினிமாவில் ரீ-என்ட்ரி கொடுத்துள்ள வடிவேலுவும், ஜோதிகா நடித்த வேடத்தில் அனுஷ்காவும் நடிப்பதாக இன்னொரு செய்தியும் வெளியாகி வருகின்றன.

இந்த நிலையில் சந்திரமுகி-2வில் அனுஷ்கா நடிக்கிறாரா? என்று பி.வாசுவிடத்தில் கேட்கப்பட்ட ஒரு கேள்விக்கு, ஜோதிகா வேடத்தில் யாரை நடிக்க வைப்பது என்பது குறித்து இன்னமும் எந்த முடிவும் எடுக்கவில்லை. அனுஷ்கா மட்டுமின்றி இன்னும் சில நடிகைகளிடமும் பேசி வருகிறோம். அதனால் அனுஷ்கா தான் நடிக்கிறாரா? இல்லை வேறு நடிகை நடிக்கிறாரா? என்பது குறித்து படப்பிடிப்பு தொடங்கும் நேரத்தில் முடிவெடுக்கப்படும் என்று தெரிவித்துள்ளார். ஆக, சந்திரமுகி-2 படத்தில் அனுஷ்கா நடிப்பது இன்னும் உறுதி செய்யப்படவில்லை.