தென் கொரியா இராணுவச் சட்ட நெருக்கடி:

தென்கொரியாவின் தேசிய சட்டமன்றம் ஜனாதிபதி யூன் சுக் யோலின் (Yoon Suk Yeol) இராணுவச் சட்ட மூலத்தை தீர்மானமாக இரத்து செய்ததை அடுத்து, நாடு செவ்வாய்க்கிழமை (03) இரவு ஒரு வியத்தகு அரசியல் எழுச்சியைக் கண்டது.

நான்கு தசாப்தங்களுக்கு மேலாக தென் கொரியாவின் முதல் இராணுவச் சட்டத்தை திணிக்க யூனின் அதிர்ச்சி முயற்சி, அதன் நவீன ஜனநாயக வரலாற்றில் நாட்டை அதன் ஆழ்ந்த கொந்தளிப்பில் ஆழ்த்தியது.

இது நாடு முழுவதும் பரவலான கோபம் மற்றும் எதிர்ப்புக்களை தூண்டியதுடன், ஆசியாவின் நான்காவது பெரிய பொருளாதாரத்தில் பல தசாப்தங்களில் மிகப்பெரிய அரசியல் நெருக்கடியையும் ஏற்படுத்தியது.

ஒரு அவசர நள்ளிரவு அமர்வில், ஆளும் மற்றும் எதிர்க் கட்சிகளைச் சேர்ந்த 300 சட்டமியற்றுபவர்களில் 190 பேர் ஒருமனதாக இராணுவச் சட்டத்தை நிராகரிப்பதாக வாக்களித்தனர்.

யூனின் சட்டமூலத்தை அறிவித்த சில மணி நேரங்களுக்கு பின்னர் இந்த நடவடிக்கை வந்தது.

செவ்வாய்க்கிழமை (03) பிற்பகுதியில் வெளியான திருப்புமுனையான அறிவிப்பு தென்கொரிய சட்டமன்றத்தில் ஒரு முட்டுக்கட்டையை ஏற்படுத்தியது.

இது அரசியல் நடவடிக்கைகளைத் தடைசெய்து ஊடகங்களைத் தணிக்கை செய்யும் ஜனாதிபதியின் முயற்சியை நிராகரித்தது.

இதையடுத்து ஆயுதம் ஏந்திய படையினர் சியோலில் உள்ள தேசிய சட்டமன்றக் கட்டிடத்தையும் சுற்றிவளைத்தது.

தென் கொரியாவின் தேசிய சட்டமன்றத்திற்கு வெளியே ஆயிரக்கணக்கான எதிர்ப்பாளர்கள் கூடி, இராணுவச் சட்டத்தை திணிப்பதை எதிர்த்து நாடாளுமன்றத்துக்குள் உட் பிரவேசிக்க முயன்றனர்.