“மூச்சு இருக்கும் வரை பாமக தலைமை எனது தான்”.

பாமக நிறுவனர் டாக்டர் ராமதாஸ், தன்னைச் சுற்றியுள்ள கட்சியின் நிலைமைகள் மற்றும் தற்போதைய குடும்ப அரசியல் சூழ்நிலை குறித்து திட்டவட்டமாக கருத்து தெரிவித்துள்ளார்.

“எனது நண்பர் கலைஞர் பாணியைப் போலவே, என் மூச்சு இருக்கும் வரை பாமகவின் தலைவராக இருப்பேன். பாமகவை உருவாக்கியது, வளர்த்தது எல்லாம் என்னுடைய முயற்சியால் தான். எனவே, கட்சி தலைமை பதவியில் எனது பங்கு முடிவதில்லை,” என்று அவர் தெரிவித்தார்.

அதிகரித்துள்ள பரபரப்புகளுக்கிடையே, “அன்புமணியுடனான பிரச்சனை குறித்து தொடர்ந்து பேச்சுவார்த்தை நடைபெற்று வருகிறது. எல்லா பிரச்சனைகளுக்கும் ஒரு தீர்வு இருக்கிறது. ஆனால் அந்த முடிவு இன்னும் வரவில்லை,” என்றார்.

“அன்புமணி மன்னிப்பு கேட்டால்தான் தீர்வு வரும் என்பது இல்லை. நான் தொடங்கிய கட்சியில் என்ன கூறுகிறேனோ அதன்படி தான் நடவடிக்கைகள் நடைபெற வேண்டும்,” என்று கட்சி ஒழுங்குமுறை மீது வலியுறுத்தினார்.