ஜி.வி.பிரகாஷ்குமார் மாறுபட்ட நடிப்பு
புதுமுக இயக்குனர் சதீஷ் செல்வகுமார் இயக்கத்தில் ஜி.வி.பிரகாஷ், திவ்ய பாரதி இணைந்து நடித்துள்ள படம் பேச்சுலர். டிசம்பர் 3-ந்தேதி திரைக்கு வரும் இந்த படம் குறித்து ஜி.வி.பிரகாஷ் கூறுகையில், இந்த படம் இதுவரை நான் நடித்ததில் வித்தியாசமான கதையில் உருவாகியுள்ளது.
அதனால் நானும் மாறுபட்ட நடிப்பை வெளிப்படுத்தியுள்ளேன். இப்படம் ரசிகர்கள் மத்தியில் ஒருவித தாக்கத்தை ஏற்படுத்தும். அந்த அளவுக்கு மணிரத்னம், செல்வராகவனைப்போன்று சதீஷ் செல்வகுமார் படத்தை ஒரு புதுமையான பாணியில் இயக்கி யிருக்கிறார்.
புதுமுகங்கள் அதிகமாக நடித்துள்ள இந்த படத்தில் எனக்கு ஜோடியாக திவ்யபாரதி என்ற புதுமுகம் நடித்திருக்கிறார். படப்பிடிப்பு தளத்தில் அவர் ரொம்பவே பதட்டமாக காணப்பட்டார். அதனால் அவருக்கு தைரியம் கொடுத்து நம்பிக்கை யுடன் நடிக்குமாறு கேட்டுக் கொண்டேன் என்கிறார் ஜி.வி.பிரகாஷ்குமார்.