தொடர் போராட்டத்தை முன்னெடுத்துள்ள வட மாகாண அரச சாரதிகள் சங்கம்!

வட மாகாண அரச சாரதிகள் சங்கத்தினர் இன்று, வடக்கு மாகாண பிரதம செயலர் அலுவலகம் முன்பாக  போராட்டம் ஒன்றை முன்னெடுத்திருந்தனர்.

சாரதிகளின் இடமாற்றம் இடைநிறுத்தப்பட்டமைக்கு எதிர்ப்புத் தெரிவித்தே இப்போராட்டம் முன்னெடுக்கப்பட்டுள்ளதாகத் தெரிவிக்கப்பட்டுள்ளது.

வடக்கு மாகாணத்தில் 5வருடங்களாக தடைப்பட்டிருந்த சாரதிகளின் இடமாற்றத்திற்கு பிரதிப் பிரதம செயலாளரினால் , கடந்த வருடம் விண்ணப்பம் கோரப்பட்டு இடமாற்ற பட்டியலும் வெளியிடப்பட்டிருந்தது.

எவ்வாறாயினும் ஆளுநரின் கோரிக்கை அமைய பின்னர் குறித்த இடமாற்றம் இடைநிறுத்தப்பட்டிருந்தது.

இதனையடுத்து அரச சாரதிகள் சங்கம் இன்று முதல் எதிர்வரும் 7 ஆம் திகதி வரை தொடர் தொழிற்சங்க நடவடிக்கையில் ஈடுபடவுள்ளதாக அறிவித்துள்ளனர்.

மேலும் இன்று போராட்டத்தில் ஈடுபட்ட அரச சாரதிகள் சங்கம், ஆளுநருக்கான மகஜர் ஒன்றையும் ஆளுநர் அலுவலகத்தில் கையளித்துள்ளனர்.