ஆண்டின் வருமான இலக்கில் 85 வீதத்தை தாண்டியது இறைவரித் திணைக்களம்!

2026 ஆம் ஆண்டு செப்டம்பர் 30 ஆம் திகதி நிலவரப்படி, உள்நாட்டு இறைவரித் திணைக்களம் தனது வரி வருமானச் சேகரிப்பில் ரூ. 2 டிரில்லியன் என்ற வரம்பைத் தாண்டியுள்ளதாகத் தெரிவித்துள்ளது.

அதன்படி, இந்த ஆண்டு ஜனவரி 1 முதல் செப்டம்பர் 30 வரையிலான காலப்பகுதியில் திணைக்களம் மொத்தமாக ரூ. 2,040 பில்லியன் வருமானத்தைச் சேகரித்துள்ளது.

2025 ஆம் ஆண்டின் இதே காலப்பகுதியில் சேகரிக்கப்பட்ட ரூ. 1,642 பில்லியன் வருமானத்துடன் ஒப்பிடுகையில், இது ரூ. 398 பில்லியன் அதிகரிப்பாகும்.

2026 ஆம் ஆண்டிற்கான உள்நாட்டு இறைவரித் திணைக்களத்தின் வருடாந்த வருமான மதிப்பீடு ரூ. 2,401 பில்லியனாகும். செப்டம்பர் 30 ஆம் திகதி நிலவரப்படி, அந்த இலக்கில் 85 சதவீதம் எட்டப்பட்டுள்ளது.

இதற்கிடையில், செப்டம்பர் மாதத்தில் மட்டும் ரூ. 288 பில்லியன் வருமானம் சேகரிக்கப்பட்டுள்ளது. இது கடந்த ஆண்டு செப்டம்பர் மாதத்தில் சேகரிக்கப்பட்ட ரூ. 216 பில்லியன் வருமானத்துடன் ஒப்பிடுகையில், ரூ. 72 பில்லியன் அதிகரிப்பாகும்.

வரி செலுத்துவோரின் தன்னார்வ வரி செலுத்தும் ஆர்வம் மற்றும் வரி நிர்வாகத்தின் செயல்திறன் ஆகியவை இந்த வருமான அதிகரிப்பிற்கு பங்களித்துள்ளதாக உள்நாட்டு இறைவரித் திணைக்களம் தெரிவித்துள்ளது.