ஜனவரியில் நடைமுறைக்கு வரும் சர்சைக்குரிய சட்டம்! பறிபோகுமா கருத்து சுதந்திரம்

சர்ச்சைக்குரிய நிகழ்நிலை பாதுகாப்பு சட்டமூலத்தை அடுத்த ஆண்டு ஜனவரி மாதம் நிறைவேற்றுவதற்கு அரசாங்கம் திட்டமிட்டுள்ளதாக தகவல் வெளியாகியுள்ளது.

இந்த சட்டமூலம் தொடர்பான ஆலோசனை செயன்முறைகள் மேற்கொள்ள மூன்று மாத காலத்தை குடிசார் சமூக அமைப்புகள் கோரியிருந்த நிலையில், அரசாங்கம் இந்த நடவடிக்கையை முன்னெடுத்துள்ளது.
நாடாளுமன்றத்தில் தாக்கல் செய்யப்பட்டுள்ள சர்ச்சைக்குரிய நிகழ்நிலை பாதுகாப்பு சட்டமூலத்திற்கு எதிராக இலங்கை உச்ச நீதிமன்றத்தில் பல்வேறு வழக்குகள் தொடுக்கப்பட்டுள்ளன. 
 

மூன்று மாத ஆலோசனை

எனினும் திருத்தங்களை முன்மொழிந்துள்ள உச்ச நீதிமன்றம், நிகழ்நிலை பாதுகாப்பிற்காக இதுபோன்ற சட்டமூலத்தை நடைமுறைப்படுத்த வேண்டியதன் அவசியத்தையும் சுட்டிக்காட்டியுள்ளது.

இந்த சட்டமூலமானது சிங்கப்பூரின் நிகழ்நிலை பொய்மைகள் மற்றும் கையாளுதல் சட்டத்தை மாதிரியாக கொண்டு வடிவமைக்கப்பட்டுள்ளது.

இந்த நிலையில் அடுத்த ஆண்டு ஜனவரி மாதம் 23 ஆம் திகதி ஆரம்பமாகவுள்ள நாடாளுமன்ற வாரத்தில் இந்த சட்டமூலம் விவாதத்திற்கு எடுத்துக்கொள்ளப்பட்டு சட்டமாக்கப்படும் என நாடாளுமன்ற விவகாரங்களுக்கான அதிபரின் ஆலோசகர் பேராசிரியர் ஆஷு மாரசிங்க உறுதிப்படுத்தியுள்ளார்.