பிரான்சின் அதிபர் தேர்தல் முடிவுகள் - வாக்களிப்புக்கு பின்னரான கருத்துக்கணிப்பு வெளியானது!!!

பிரான்சின் அதிபராக இம்மானுவேல் மக்ரன் மீண்டும் தெரிவுசெய்யப்பட்டுள்ளார்.

இறுதிச்சுற்று வாக்களிப்பு இன்று இடம்பெற்ற நிலையில், சற்றுமுன்னர் தேர்தல் முடிவுகள் வெளியாகியுள்ளது.

வாக்குப் பதிவின்படி, இம்மானுவேல் மக்ரன் 58.2% வாக்குகளுடன் இரண்டாவது முறையாக பிரான்சின் அதிபராக தேர்ந்தெடுக்கப்பட்டுள்ளார். அவருக்கு எதிராக போட்டியிட்ட மரின் லூ பென் 41.8% வாக்குகளைப் பெற்றுள்ளார்.

தேர்தல் முடிவுகள் வெளியாகும் முன்னர் பிரான்சில் கருத்துக் கணிப்புகள் அல்லது தேர்தல்முடிவுகளின் மதிப்பீடுகளை வெளியிட தடைவிதிக்கப்பட்டிருந்தது.

இந்தத் தேர்தலில் பிரெஞ்சுக் குடியுரிமை கொண்ட புலம்பெயர் தமிழர்கள் உட்பட 48.7 மில்லியன் வாக்காளர்கள் வாக்களிக்கும் தகுதியை பெற்றிருந்தமை குறிப்பிடத்தக்கது.