ஐ.பி.எல் 2024: ராஜஸ்தான்–மும்பை அணிகள் இன்று பலப் பரீட்சை

விறுவிறுப்பாக நடைபெற்றுவரும் IPL 2024 தொடரின் இன்றைய நாளுக்கான போட்டியில் ராஜஸ்தான் ரோயல்ஸ் அணியுடன், மும்பை இந்தியன்ஸ் அணி பலப்பரீட்சை நடத்தவுள்ளது.

இப்போட்டியானது இன்று இரவு 7.30 மணிக்கு ஜெய்ப்பூர் மைதானத்தில் நடைபெறவுள்ளது. முன்னாள் சம்பியனான ராஜஸ்தான் ரோயல்ஸ் அணி இதுவரை 7 போட்டிகளில் விளையாடி 6-ல் வெற்றி பெற்று 12 புள்ளிகளுடன் முதலிடம் வகிக்கிறது.

இதேவேளை 5 முறை சம்பியனான மும்பை இந்தியன்ஸ் அணி முதல் 3 போட்டிகளில் வரிசையாகத் தோல்வியைத் தழுவிய போதும் அடுத்த 4 ஆட்டங்களில் 3-ல் வெற்றி பெற்று மீண்டு வருகின்றது.

இரு அணிகளும் ஏறக்குறைய சரிசம பலத்துடன் மோதுவதால் களத்தில் அனல் பறக்கும் என எதிர்ப்பார்க்கப்படுகின்றது.