இறைவனின் குழந்தைகளான மாற்றுத்திறனாளிகளை கொண்டாடுவோம்

மாற்றுத்திறனாளிகள் வாழ்வியல் சூழலுக்கு ஏற்ற வகையில் நம்முடைய சமூக கட்டமைப்பை உருவாக்குவதற்கு இந்த நாளில் உறுதி ஏற்றிடுவோம் என டிடிவி தினகரன் கூறியுள்ளார்.

அ.ம.மு.க. பொதுச்செயலாளர் டி.டி.வி. தினகரன் தனது டுவிட்டர் பதிவில் கூறி இருப்பதாவது:-

சர்வதேச மாற்றுத்திறனாளிகள் நாளில் கடவுளின் குழந்தைகளான அவர்களுக்கு இதயம் நிறைந்த நல்வாழ்த்துக்களைத் தெரிவித்துக் கொள்கிறேன். விடா முயற்சிகளால் தங்களுக்கு விதிக்கப்பட்ட வாழ்க்கையையே மாற்றும் சக்தி படைத்த மாற்றுத் திறனாளிகளை மதித்து நடத்திடுவோம்.

உலகம் திரும்பிப் பார்க்கும் வகையில் அவர்கள் சாதனைகள் புரிந்திட மாற்றுத்திறனாளிகள் வாழ்வியல் சூழலுக்கு ஏற்ற வகையில் நம்முடைய சமூக கட்டமைப்பை உருவாக்குவதற்கு இந்த நாளில் உறுதி ஏற்றிடுவோம். மனிதம் போற்றுவோம். மாற்றுத் திறனாளிகளை கொண்டாடுவோம்.