அம்பேத்கர் விவகாரம்

அம்பேத்கர் குறித்து மத்திய உட்துறை அமைச்சர் அமித் ஷா தெரிவித்த கருத்தானது பெரும் சர்ச்சையை ஏற்படுத்தியுள்ள நிலையில் அமித்ஷா பதவி விலக  வேண்டும் எனக் கோரி தி.மு.க போராட்டமொன்றை முன்னெடுக்கவுள்ளதாக அறிவித்துள்ளது.

அரசியலமைப்பு மீதான விவாதம் நேற்று மாநிலங்களவையில் நடைபெற்றது. இதன்போது உரையாற்றிய  மத்திய உட்துறை அமைச்சர் அமித் ஷா  ‘அம்பேத்கர்.. அம்பேத்கர்.. அம்பேத்கர்’ என முழக்கமிடுவது இப்போது பேஷன் ஆகிவிட்டது எனவும்,  இதற்கு பதிலாக கடவுளின் பெயரை உச்சரித்திருந்தால் சொர்க்கத்திலாவது அவர்களுக்கு இடம் கிடைத்திருக்கும் என்றும் தெரிவித்திருந்தார்.

இந்நிலையில் அமித் ஷா தெரிவித்த கருத்து பெரும் சர்ச்சையை ஏற்படுத்தியுள்ள நிலையில்  அமித் ஷா இதுதொடர்பில்  மன்னிப்பு கேட்க வேண்டும் என  எதிர்க்கட்சிகள் வலியுறுத்தி வருகின்றன.

மேலும் பிற மாநில முதலமைச்சர்களும் அமித்ஷாவின் பேச்சுக்குக்  கண்டனம் தெரிவித்து வருகின்றனர்.

இந்நிலையில் அம்பேத்கர் குறித்த மத்திய அமைச்சர் அமித்ஷாவின் பேச்சை கண்டித்து, திமுக சார்பில் இன்று தமிழகம் முழுவதும் ஆர்ப்பாட்டம் நடைபெறும் என்று தலைமைக் கழகம் அறிவித்துள்ளது.

அதன்படி, இன்று காலை 11.30 மணியளவில் தமிழகம் முழுவதும் ஆர்ப்பாட்டம் நடைபெற உள்ளதாக திமுக  அறிவித்துள்ளமை குறிப்பிடத்தக்கது.